Ludzie, ludzie szczwortek momy,
nie tyn zwykły ale tłosty,
baby piekom fory krepli
na bok idom dzisioj woszty.
Kaj yno sie niy łobejrzisz
co to sie wyrobio we świecie,
wszyndzi sie do nos kreple śmiejom
czy w cukierni czy markecie.
Rozmajite zorty kuszom,
ze pudingiym z marmeladom,
do wyboru do koloru
jydzcie kreple jo wom padom.
Bo we środa popielcowo,
krepla już niy dostaniecie
yno chlyb ze suchom skorkom
szolkom wody popijecie.
Korzystejcie tera z tego,
że możecie jeś do woli,
to nic że kalorji wiela
i żołondek trocha boli......